توا بربي هاذي شركة طيران ؟ عندي جمعتين نحاول نقص تونس-جرية و الموقع الرسمي متع الخطوط التونسية حاطط المهزلة هاذي. رحلة تونس-جربة في 4 دقائق ؟ و لخرة 9 دقائق ؟ الرحلة مفروض 40-50 دقيقة قصيتها برشا مرات و لا الوقت الخروج اصلا غالط بعثت شكون في تونس يسأل قالولو اصلا ماعندناش رحالات في الوقت المتأخر هذاكا! توا هذا كلام يا ناس ! معناها كان ماتثبتش تقص اونلاين مبعد تمشي لا فما لا طيارة و لا رحلة و فلوسك تڤدمو من فوق و برا لوج كيفاش تنجم ترجع فلوسك هذا كان ما قلولكش مشكلتك انت كيفاه تقص اونلاين! هذا الكل صاير في طمبك السيزون وقت الناس التوانسة و الاجانب الكل تسافر و تتحرك لجربة و غيرها من الوجهات السياحية. بربي قداش يكلفكم موقع محترم ولا تطبيقة محترمة يا تونيسار؟ كلموني تو نخدمهالكم بلاش في جمعتين.