واللهي هذا موش تشهير ولا شماتة ولا غيرو اما جيست نحب التوانسة تعرف علاش احنا ديما امفرقين و القروبات الكلهم عرك و سب و حاجات ما تخدمش التوانسة لا من قريب و لا من بعيد.
بإختصار هبطت على الفايسبوك و على التطبيق متع التوانسة كيفاش المشرفين على القروبات متع توانسة في امريكا مغلبهم عمرهم ما دخلو لامريكا و لا يعرفو الغربة و الكلهم يعملو في قروبات يدبرو في ريوسهم الي يحب يحرق و الي يحب يعمل فلوس على كل بوست و لا اشهار و الي يحب يعمل علاقات مع توانسة في امريكا يدبرش طفلة يعرس بيها و الخ الخ… السيد هذا صاحب قروب من القروبات مشى يجري بلوكاني و هبط ستاتي انو القروب موش حكر على التوانسة في امريكا. نحب نسألو علاش مسميه "تونسي في امريكا" سميه "توانسة يعرفو توانسة في امريكا" موش خير؟ و نحب زادة نوصلو معلومة راهو يا باهي الجالية التونسية في امريكا تستحق ناس عايشة لهنا تحللها مشاكلها و تعاون بعضها موش ناس في تونس تسب فينا ليل نهار و تحب تستغل و تهبط في حاجات على السياسة و المشاكل الي احنا فوتناها عندنا برشا. نحب نقلك زادة الكلام باز واصلك حتى كي تبلوكي ههه
Other
